Олон улсын зах зээл

БНХАУ-ын үл хөдлөхийн хямрал эргэлтийн цэгт ойртож байна

Нийтэлсэн:
Б.Дүүрэнбуян
Нийтэлсэн огноо:
2025-03-21

Ази-Номхон далайн болон БНХАУ-ын өмч хөрөнгийн судалгааны тэргүүн, UBS хөрөнгө оруулалтын банкны шинжээч Жон Ламаар ахлуулсан шинжээчдийн баг урт хугацаанд үргэлжилсэн БНХАУ-ын үл хөдлөхийн хямрал тогтворжиж эргэлтийн цэгт ойртож байгаа тухай тайландаа онцолжээ. Тэдний үзэж буйгаар эргэлтийн цэг 2026 оны эхнээс дунд үеийн хооронд тохиох боломжтой гэжээ. Харин S&P Global ratings-ийн таамаглаж буйгаар эргэлтийн цэг илүү эрт буюу 2025 оны сүүлийн хагаст байж болно гэв.

Жон Лам судалгаандаа салбарын 4 индикатор үзүүлэлтүүдийг илүү чухалчилсан бол эдгээрт

• Газрын үнийн өсөлт

• Хоёрдогч зах зээлийн борлуулалтын өсөлт

• Түрээсийн төлбөрийн өсөлт

• Бэлэн байрны бууралт

орсон байна. СNBC-ийн судалгаанаас харахад БНХАУ-ын 5 том хотуудад 3р сарын 19 байдлаарх 7 хоногийн орон сууцны борлуулалт жилийн өмнөх мөн үеэс 30 гаруй хувиар өсжээ.

UBS, S&P Global ratings институт байгууллагуудын адилаар HSBC, эдийн засагч Ларри Ху нар ч ЗГ-аас үл хөдлөхийг дэмжих бодлого явуулж байгаа, борлуулагдаагүй барилгын тоо буурч байгаа, үл хөдлөхийн үнэ болон гадаадын шууд хөрөнгө оруулалтууд тогтворжиж байгаа эерэг хүчин зүйлсийг дурдаад байна.

Мөн UBS-ын тайланд үл хөдлөхийн хямрал нь худалдан авагчдын баригдаагүй барилгад урьдчилан захиалга өгөх хандлагыг хүчтэй өөрчилж байгаа бөгөөд 2026 он гэхэд нийт борлуулагдсан барилгын 50 орчим хувь нь хоёрдогч зах зээлийн худалдаа болох талаар таамагласан байна.

Эх сурвалж: Bloomberg

www.OCHUN.mn

#ochun #ochirundraa #managingcapitalwithdiscipline

Холбогдох сэдэв: