Доналд Трамп өргөн цар хүрээтэй тарифаа лхагва гарагийн 16 цагт зарлаж хүчин төгөлдөр болгоно
Дональд Трамп өргөн цар хүрээтэй тарифаа лхагва гарагийн 16 цагт зарлаж хүчин төгөлдөр болгоноАНУ-ын ерөнхийлөгч Доналд Трамп өргөн цар хүрээ бүхий тарифаа орон нутгийн цагаар лхагва гарагийн 16 цагт зарлаж албан ёсоор хүчин төгөлдөр болгох гэж байна. Уг зарлах тариф дундаас Канад болон Мексикээс импортлох автомашинд 25%-ийн татвар тогтоож байгаа нь машин үйлдвэрлэгчдэд хамгийн хүчтэй нөлөө үзүүлэх хүлээлттэй байна. Ерөнхийлөгч Доналд Трамп тус тарифууд нь богино хугацаандаа инфляцыг өдөөж, нийлүүлэлтийн гинжин хэлхээг удаашруулах ч урт хугацаандаа АНУ-ын дотоодын үйлдвэрлэлийг дэмжих, ажиллах хүчнийг нэмэгдүүлэх түүний дотор автомашины салбарыг түлхүү дэмжинэ гэж онцолж байна. Хөрөнгө оруулагчдын хувьд тариф цаашид нэмэгдэх эрсдэл өндөр байсаар байгаа нь тодорхойгүй байдлыг улам нэмэгдүүлж аюулгүй хөрөнгө оруулалтыг түлхүү сонгож байна.
Автомашин үйлдвэрлэгчдэд тариф аль хэдийн нөлөөгөө үзүүлж эхлээд байгаа бөгөөд Мерседес-Бенз групп өөрийн хямд үнэ бүхий загваруудаа АНУ-д борлуулахгүй байж магадгүй талаар мэдээллэсэн юм. Мөн тарифд өртсөн орнуудаас өөрсдийн автомашинаа АНУ-руу түлхүү экспортолдог Волксваген, Хьюндай зэрэг компаниуд тарифын нөлөөгөөр ихээхэн хохирол амсах төлөвтэй байна. Харин эсрэгээрээ дотоодын үйлдвэрлэгчид тус тарифын бодлогоос хожих бөгөөд эхнээсээ дотоодын үйлдвэрлэгчдэд эерэг нөлөөгөө үзүүлж эхлээд байгаа нь Женерал Моторс компанийн 1р улирлын борлуулалт хүчтэй өссөнөөр харагдаж байна.
Эх сурвалж: Bloomberg
#ochun #ochirundraa #managingcapitalwithdiscipline
