Nikkei 225 индекс 40,000 хүрлээ.
Японы Хөрөнгийн зах зээлийг тодорхойлогч голлогч индекс болох Nikkei 225 индекс анх удаа 40,000 нэгжээс дээш гарсан байна.
Индексийн өсөлтөд технологийн хувьцаанууд хамгийн өндрөөр нөлөөлсөн бөгөөд 2023 онд тус индекс 28 хувиар өссөн байна. Илүү өргөн хүрээг хамардаг Topix индекс өнгөрөгч онд 25 хувиар өссөн ч бүх цаг үеийн дээд хэмжээнээсээ даруй 6%-иар доогуур байгаа юм. Үүнд иений сулрал эерэг нөлөө үзүүлсэн.
Иен 1990-ээд оноос хойших хамгийн доод түвшиндээ хүрч суларснаар компаниудын ашгийг нэмэгдүүлж, аль хэдийн хямд байсан Японы хувьцаанууд хөрөнгө оруулагчдын анхаарлыг татсан гэж хэлж болно. Nikkei болон Topix аль аль нь АНУ-ын инфляцын мэдээллээс дэмжлэг авдаг. Холбооны нөөцийн сан 6-р сарын эхээр бодлогын хүүгээ бууруулж магадгүй гэсэн хүлээлт нэмэгдсэнээр хөрөнгийн зах зээлийн хувьд мөн эерэг мэдээ болж байгаа юм.
